Saol a chruthú atá bunaithe ar mhuintearas
Is é misean Airbnb.org an chumhacht a bhaineann le spás, acmhainní agus tacaíocht a roinnt in am an ghátair a chur chun cinn. Ach níl cothroime rochtana ag gach duine ar na hacmhainní seo. Sin an fáth ar thugamar gealltanais go gcuirfimid éagsúlacht, cothromas, ionchuimsiú agus inrochtaineacht i gcroílár ár gcuid oibre laethúla.
Ár bpríomhghealltanais maidir le héagsúlacht, cothromas, ionchuimsiú agus inrochtaineacht
In Aibreán 2021, d'fhógair Airbnb.org trí phríomhghealltanas don éagsúlacht, don chothromas agus don ionchuimsiú. Téann na gealltanais sin i bhfeidhm ar ár gcaidreamh le haíonna agus le hÓstaigh; ar ár gcomhoibriú le heagraíochtaí neamhbhrabúis agus le gníomhaireachtaí rialtais; agus ar ár bhfoireann Airbnb.org féin.
Mar eagraíocht, gheallamar:
- Ár gclár agus ár gcuid oibre a dhíriú ar dhaoine ó phobail imeallaithe a mbíonn rochtain theoranta acu go stairiúil ar acmhainní mar gheall ar leatrom sóisialta, cultúrtha, eacnamaíoch agus polaitiúil.
- Oibriú lena chinntiú go bhfaighidh gach aoi a thagann trí Airbnb.org an caighdeán céanna maidir le seirbhísí agus áiteanna fanachta.
- Foireann éagsúil ionchuimsitheach a chothú; mar thús, gur mionlaigh faoi ghannionadaíocht a bheidh i 33 faoin gcéad ar a laghad dár n-oibrithe sna Stáit Aontaithe faoi dheireadh 2025.
In 2022, chuireamar deireadh le hinrochtaineacht mar chuid ar leith dár ngealltanas; déanfaimid ár ngealltanas a nuashonrú chun na críche sin in 2023.
Seo an dóigh a bhfuilimid ag cur ár ngealltanais i ngníomh
Chun ár ngealltanais reatha maidir le héagsúlacht, cothromas, ionchuimsiú agus inrochtaineacht a chomhlíonadh, táimid ag déanamh an méid seo:
- Oibriú le heagraíochtaí pobalbhunaithe agus eagraíochtaí neamhbhrabúis a roinneann ár dtiomantas don chothromas. Nuair a tharlaíonn géarchéimeanna, féachann ár bhfoirne le bheith ag obair le heagraíochtaí áitiúla a fhreastalaíonn ar phobail imeallaithe. Chomhoibríomar le déanaí le heagraíochtaí mar:
- Each One Teach One, a thacaíonn le daoine faoi mhíchumas agus le daoine nach saoránaigh de chuid na hÚcráine iad agus atá easáitithe ag an gcoinbhleacht san Úcráin
- Black Women for Black Lives, a chuir 2,000 mac léinn Afracach san Úcráin le háiteanna fanachta saor in aisce lasmuigh den tír
- ORAM, fochuideachta de chuid Alight, a chuidigh le daoine LADTA+ a bhí ag teitheadh ón Úcráin le tithíocht agus tacaíocht shóisialta a fháil i mBeirlín agus i gcathracha eile san Eoraip
- Comhpháirtíocht a dhéanamh le saineolaithe atá ar thús cadhnaíochta i réimsí na héagsúlachta agus an chothromais chun cabhrú linn ár gcuid oibre i ndáil leis na gealltanais seo a mheas agus a fheabhsú. Príomh-chomhpháirtí san obair sin is ea We All Count, eagraíocht a chuireann chun cinn cur chuige atá dírithe ar chothromas maidir le taighde. In 2022, chabhraigh sé le Airbnb.org staidéar píolótach a dhéanamh chun tuiscint níos fearr a fháil ar an taithí a bhí ag daoine a fuair tithíocht shealadach le linn géarchéime trí Airbnb.org. Leis an ionchur seo, táimid ag dearadh ár gcur chuige chun ár ndul chun cinn a rianú agus chun a chinntiú go bhfuilimid ag comhlíonadh ár ngealltanais.
- Modhanna dearaidh atá dírithe ar chothromas a dhaingniú inár gcuid oibre. Treoraíonn ár gcuid scéalaíochta tráma-bhunaithe agus ár bprionsabail dearaidh chothromaslárnacha muid chun scéalta a chomhchruthú faoin obair a dhéanaimid lenár n-aíonna, lenár nÓstaigh agus lenár gcomhpháirtithe. Bímid comhpháirteach i gcinnteoireacht chruthaitheach, ag urramú roghanna teanga daoine agus an bealach a roghnaíonn siad a bheith léirithe go físiúil.
- Cinntiú go gclúdaítear an fhoireann faoinár dtiomantas don chothromas. Faoi dheireadh 2025, tá sé ina sprioc againn gur mionlaigh faoi ghannionadaíocht a bheidh i 33 faoin gcéad ar a laghad dár gcuid oibrithe sna Stáit Aontaithe. Is é an sainmhíniú atá againn ar mhionlaigh faoi ghannionadaíocht sna Stáit Aontaithe ná iad siúd a fhéinaithníonn iad féin mar cheann amháin nó níos mó de na ciníocha/eitneachtaí seo a leanas: Indiach Mheiriceá nó Dúchasach de bhunadh Alasca; Duine Dubh/Gorm nó Meiriceánach Afracach; Easpáinneach nó Latinx; Dúchasach de bhunadh Haváí nó Oileán eile san Aigéan Ciúin.
Nuair a rinneamar an gealltanas seo ar dtús, ba mhionlaigh faoi ghannionadaíocht iad 19 faoin gcéad dár bhfoireann lánaimseartha. Ar an 30 Meán Fómhair 2022, is mionlaigh faoi ghannionadaíocht iad 28 faoin gcéad d'fhoireann lánaimseartha Airbnb.org. Tá a fhios againn go bhfuil gá le hobair leanúnach chun tallann éagsúil a fhostú, a choinneáil agus a ardú chun leanúint ar aghaidh ag baint leasa as peirspictíochtaí éagsúla, agus leanfaimid orainn ag tabhairt tosaíochta do chothromas agus muid ag fostú agus ag coinneáil foirne.
Táimid tiomanta do bhealaí nua a cheapadh chun cothromas a chur i gcroílár ár gcuid oibre, tionchar a imirt i bpobail atá thíos le géarchéim agus cabhrú le saol a chruthú atá bunaithe ar mhuintearas agus ar chneasú.